சரி  பார்ப்பு சமநிலை (Check and Balance) அமைப்பு சங்கத்தில் நடைமுறைப்படுத்துகின்றோம். 

நிர்வாக குழுவுக்கு அறிவுரை வழங்க அனுபவம் மிக்க  புரவலர்கள் இருக்கின்றார்கள்.  இதையும் தாண்டி சங்க நிகழ்வுகளை வழிநடத்த ஆறு குழுக்கள் செயல்படுகின்றன. 

ஒவ்வொரு குழுவிலும் புரவலர்களும் நிர்வாக குழு உறுப்பினர்களும் அங்கத்தினர்களாக இருந்து சங்க நிர்வாகத்தை வழிநடத்துகின்றனர்.

சங்க மேலாண்மை குழு:  இந்தக் குழு சங்கம் அரசாங்க விதிமுறைகள் படி, மற்றும் சங்கம் எடுத்த தீர்மானங்கள் படி நடக்கின்றதா என்பதை அவ்வப்பொழுது ஆய்வு செய்யும்.

உறுப்பினர் தொடர்பு குழு: இந்தக் குழு சங்க உறுப்பினர்களுடன் தொடர்பு கொண்டு சங்கத்தை மேன்மேலும் எப்படி முன்னேற்ற பாதையில் அழைத்துச் செல்லும் என்பதை தெரிந்து கொள்ளக்கூடிய ஒரு பாலமாக செயல்படும்.

சமுதாய தொடர்பு குழு: பொதுமக்கள் தொடர்பு என்பது சங்க வளர்ச்சிக்கு அவசியம். சமுதாய  தொடர்பு குழுவானது நமது சமுதாய பெரியவர்களிடமும்  பொது ஜனங்களிடமும் சங்கத்தின் கொள்கைகளை பற்றி கூறி சங்கத்தின் முன்னேற்றத்திற்கு ஆலோசனைகள் பெறும்.

கல்வி மற்றும் வேலை வாய்ப்பு குழு: இந்தக் குழு கல்வி மற்றும் தொழில் சம்பந்தமான வாய்ப்புகள் ஏற்படும் பொழுது அவற்றை நல்ல முறையில் உபயோகிக்க குழந்தைகளுக்கும் குடும்பங்களுக்கும்  அவ்வப்பொழுது அறிவுரை வழங்கும். கல்வி உதவித் தொகை பற்றியும் இந்த குழு முடிவு செய்யும்.

நிவாரண நிதி பரிந்துரை குழு: அங்கத்தினர்களின் குடும்பங்களில் ஏற்படும் அசம்பாவித  நிகழ்வுகளான மரணம், மருத்துவம் இவற்றிற்கான நிவாரணத் தொகையை அளிப்பதற்கு இந்த குழு நிர்வாக குழுவுக்கு பரிந்துரை செய்யும்.

தொழில்நுட்பக் குழு: தொழில்நுட்பம் அதிசயிக்க அளவிற்கு வளர்ந்து இருக்கும் இந்த காலத்தில் இதன்  பயன்பாட்டை சங்கத்தின் வளர்ச்சிக்காகவும் கருத்து பரிமாற்றத்திற்காகவும் எப்படி பயன்படுத்த வேண்டும் என்று இந்த குழு  அவ்வப்பொழுது பரிந்துரைக்கும்.

நிதிநிலை தணிக்கை குழு: சங்கத்தின் நிதி நிலையில் நேர்மைத் தன்மையும், வெளிப்படைத்தன்மையும், உண்மை தன்மையும் அவசியம். இவற்றை சங்கத்தின் நிதிநிலை தணிக்கை குழு அவ்வப்பொழுது ஆய்வு செய்து ஆலோசனைகளும்  வழங்கும்.